ນັກເຕະບານ ເດັກນ້ອຍ ຈຸທຳອິດ 4 ຄົນ ຖືກຊ່ອຍ ອອກມາ ຈາກຖ້ຳແລ້ວ

ໜ່ວຍກູ້ໄພກອງທັບເຮືອ ຫຼື ເນວີຊີລ ຂອງໄທ​ກ່າວວ່າ ມີເດັກນ້ອຍ ຕໍ່ຕ່ຳກວ່າ 4 ຄົນ ໃນ
ຈຳນວນທັງໝົດ 12 ຄົນ ແລະຄູຝຶກ ໄດ້ຖືກຊ່ອຍອອກມາ ຈາກຖ້ຳ ທີ່ເຂົາເຈົ້າຕົກຄ້າງຢູ່
ດົນກວ່າ 2 ອາທິດແລ້ວນັ້ນ.

ຜູ້ວ່າຣາຊະການຈັງຫວັດຊຽງຣາຍ ທ່ານນະຣົງສັກ ໂອຊະທະນາກອນ ຫົວໜ້າໜ່ວຍປະ
ຕິບັດງານກູ້ໄພ ກ່າວວ່າ ມະນຸດກົບ ຕ້ອງການເວລາ ປະມານ 10 ຊົ່ວໂມງ ເພື່ອກະກຽມ
ການກູ້ໄພຄັ້ງຕໍ່ໄປ ແຕ່ແນວໃດກໍຕາມ ການກູ້ໄພແມ່ນໄດ້ດຳເນີນໄປ ດີກວ່າທີ່ຄາດຄິດໄວ້.

ເດັກນ້ອຍທີ່ຖືກຊ່ອຍອອກມາ ໃນວັນອາທິດມື້ນີ້ ໄດ້ຖືກສົ່ງເຂົ້າໂຮງໝໍ.

Photo Gallery:
ການປະຕິບັດງານ ກູ້ໄພ ເດັກນ້ອຍ ຢູ່ໄທ

 

ມະນຸດກົບ ຊາວຕ່າງປະເທດ 13 ຄົນ ແລະ ໄທ 5 ຄົນ ເຂົ້າຮ່ວມ ໃນການປະຕິບັດ
ງານກູ້ໄພໃນຄັ້ງນີ້. ເດັກນ້ອຍແຕ່ລະຄົນ ຈະມີມະນຸດກົບ 2 ຄົນ ເປັນຜູ້ໃຫ້ການຊ່ອຍ
ເຫຼືອແລະກຳກັບນຳ.

ເຈົ້າໜ້າທີ່ກ່າວວ່າ ມັນອາດຈະໃຊ້ເວລາ 2 ຫາ 4 ມື້ ກ່ອນທີ່ພວກເດັກນ້ອຍທັງໝົດ
ຈະໄດ້ຮັບການຊ່ອຍເຫຼືືອອອກມາ.

ຕຳຫູວດຄົນນຶ່ງ ພວມຍາມຢູ່ໃກ້ໆຖ້ຳຫຼວງ ຂະນະທີ່ຝົນກຳລັງຕົກໜັກ

ຕຳຫູວດຄົນນຶ່ງ ພວມຍາມຢູ່ໃກ້ໆຖ້ຳຫຼວງ ຂະນະທີ່ຝົນກຳລັງຕົກໜັກ

 

ປະທານາທິບໍດີສະຫະລັດ ທ່ານດໍໂນລ ທຣຳ ໄດ້ສົ່ງທວີດເຕີ້ ໃນວັນອາທິດມື້ນີ້ ກ່າວ
ວ່າ ລັດຖະບານສະຫະລັດ ກຳລັງເຮັດວຽກຢ່າງໃກ້ຊິດ ກັບເຈົ້າໜ້າທີ່ໄທ ເພື່ອຊ່ອຍ
ເດັກນ້ອຍ ອອກມາຢ່າງປອດໄພ.

Donald J. Trump

@realDonaldTrump

The U.S. is working very closely with the Government of Thailand to help get all of the children out of the cave and to safety. Very brave and talented people!
8:14 AM – Jul 8, 2018

 

https://lao.voanews.com/a/thai_cave_rescue/4473843.html

ອອກຄຳເຫັນຜ່ານເຟຊບຸກ